Raportet-e-paaftesise-per-pune

Tatimi mbi te ardhurat, ligji nr. 29/2023

by with No Comment Uncategorized

Tatimi mbi te ardhurat, ligji nr. 29/2023 ndryshon fillimisht konceptin e ketij tatimi. Pas 25 vitesh nga hyrja ne fuqi e ligjit nr. 8438 date 28.12.1998 “Per tatimin mbi te ardhurat” eshte hartuar nje ligj teresisht i ri i cili zevendeson ligjin e vjeter.

Ndryshimet jane te shumta, duke nisur nga perkufizimet dhe deri tek baza tatimore.

Ky ligj zgjeron bazen tatimore te individeve tatimpagues dhe te bizneseve.

Rrit normat e tatimit per nje kategori biznesesh.

Sjell risi ne deklarimin individual vjetor te te ardhurave.

Balancon tatimin mbi te ardhurat nga biznesi pavaresisht formes ligjore dhe synon te ule shmangiet tatimore qe kryhen nepermjet ligjit.

Ndryshon konceptin e tatimit mbi te ardhurat nga biznesit.

Risi e rendesishme

Futet per here te pare skema e percaktimit te shpenzimeve afrofe/apriori.

Sipas kesaj skeme bizneset e formes ligjore person fizik me qarkullim vjetor deri ne 10’000’000 leke mund te aplikojne (jo detyrimisht) regjimin e vecante ne te cilin shpenzimet (per rrjedhoje edhe fitimi dhe tatimi) perllogariten me nje norme te caktuar varesisht aktivitetit pa pasur nevoje per dokumentimin e tyre.

Kjo skeme nga njera ane lehteson bizneset e ketij grupi nga kostot dhe procedurat e mbajtjes se transaksioneve ne kontabilitet por nga ana tjeter hedh poshte ate pune qe eshte bere nga administrata per edukimin e tatimpaguesve. Gjithashtu duke mos qene te prirur te kerkojne dhe rregjistrojne fatura keta tatimpagues mund te ndikojne negativisht ne nxitjen e informalitetit. Konkretisht mund te konsiderojne shpenzime te aktivitetit te tyre pa pasur dokumenta:

  • 60% të të ardhurave për veprimtaritë prodhuese;
  • 90% të të ardhurave për veprimtaritë e tregtimit me shumicë;
  • 70% të të ardhurave për veprimtaritë e tregtimit me pakicë të mallrave dhe transportit individual;
  • 60% të të ardhurave për veprimtaritë bare, restorante, disko etj., të kësaj natyre;
  • 50% të të ardhurave për veprimtaritë e shërbimeve, veprimtaritë artizanale dhe atyre zejtare;
  • 30% të të ardhurave për individët e vetëpunësuar;

Risi tjeter e rendeshishme e ketij ligji eshte koncepti i tatimit mbi te ardhurat e biznesit.

Ne ligjin e vjeter kemi nje ndarje te tatimit mbi te ardhurat e biznesit bazuar ne qarkullimin vjetor te biznesit.

  • Tatim i thjeshtuar mbi biznesin (ndryshe biznese te vogla). Te gjitha ato biznese, pavarsisht formes ligjore, qarkullimi vjetor i te cilave nuk tejkalon 8’000’000 leke.
  • Tatim mbi fitimin e biznesit (ndryshe biznese te medha). Te gjitha ato biznese, pavarsisht formes ligjore, qarkullimi vjetor i te cilave tejkalon 8’000’000 leke.

Ne ligjin e ri ndarja e tatimit mbi te ardhurat nga biznesi bazohet ne formen ligjore te biznesit.

  • Tatimi mbi te ardhurat e korporates-tatimi qe aplikohet per entitetet
  • Tatimi mbi te ardhurat nga biznesi i personave fizik-aplikohet per fitimin neto te personave fizik (te vetepunesuar ose individe tregtar)

Entitet* (i) çdo shoqëri apo çdo strukturë të organizimeve të korporuara apo jo-korporuara (pavarësisht formës) të natyrës fitimprurëse ose jo-fitimprurëse, (ii) kompani të tilla si organizatat, (iii) ndonjë formë “trusti” të huaj, apo strukture të ngjashme, (iv) ndonjë formë partnershipi apo ndonjë entitet të natyrës personale, (v) çdo formë të joint-venture, (vi) çdo formë kompanie menaxhimi kapitalesh apo asetesh, (vii) çdo formë e kompanive sipas kodit civil apo ligjit të shoqërive tregtare, (viii) partnership-et pasive apo në ‘fjetje”.

Norma e tatimit

Norma e tatimit ndryshon per bizneset e formes ligjore person fizik dhe do te jene:

15% per biznese fitimi me qarkullim vjetor deri ne 14’000’000 leke ne vit.

23 % per biznese me qarkullim vjetor 14’000’000 leke te reja ne vit

Perpara hyrjes ne fuqi te ketij ligji bizneset e formes ligjore person fizik me qarkullim mbi 14’000’000 leke ne vit kane pasur nje avantazh kundrejt bizneseve te formes ligjore person juridik mos pagimin e dividentit 8%. Me kete ndryshim, ky avantazh eleminohet sepse personat fizik me qarkullim mbi 14’000’000 leke do te paguajne 23 % ndersa entitetet do te vijojne ta kene te ndare ne tatim fitimi dhe divident (15%+8%).

Ligji perjashton nga normat e mesiperme te gjithe personat fizik dhe entitetet te cilet nuk ushtrojne veprimtari profesionale sherbimi. Per kete kategori biznesi, normat do te hyjne ne fuqi ne vitin 2030. Bizneset qe mbeten dhe qe do te aplikojne normat e reja te taksimit jane personat fizik dhe entitetet qe ushtrojne veprimtari sherbimi profesionale qarkullimi vjetor i te cilave nuk tejkalon 14’000’000 leke ne vit.

Qendron ende ne fuqi nje perfitim, shmangie tatimore, qe vjen nga forma ligjore e organizimit te bizneseve qe ofrojne sherbime profesionale dhe qe kane qarkullim vjetor deri en 14’000’000 leke. Entitetet qe do te taksohen me 15 % gjithashtu do te kene edhe detyrimin e pageses se fitimit te terhequr, tatimin mbi dividentin 8%, ndersa bizneset persona fizik tatohen me vetem 15 %.

Per te na ndjekur ne rrjete sociale klikoni linqet e meposhteme:

https://www.facebook.com/SKF2018/?ref=pages_you_manage

https://www.instagram.com/trialstudio1/

https://www.linkedin.com/company/68493567/admin/

Ose mund te na kontaktoni duke klikuar ne

Kontakte

shpenzimet

Tatimi mbi te ardhurat

by Uncategorized

Ky projektligj i ri tatimi mbi te ardhurat shfuqizon dhe zevendeson teresisht:

  • ligjin nr. Ligji Nr 8438, datë 28.12.1998 “Per tatimin mbi te ardhurat” si dhe të gjitha aktet nënligjore të nxjerra në zbatim të tij,
  • Ligjit Nr. 9632, datë 30.10.2006 “Për sistemin e taksave vendore”, pjesen e tatimit te thjeshtuar mbi fitimin e biznesit te vogel

Tatimi mbi te ardhurat e biznesit

Qeveria, ndryshe nga sa u angazhua ne vitin 2020 qe te trajtonte me tatim mbi te ardhurat 0 % te gjitha bizneset me shitje vjetore deri ne 14’000’000 per nje periudhe 10-vjecare, duket se nuk i ka rezistuar tundimit per te vecuar nga ky angazhim pronesionet e lira.

Sipas projektligjit te ardhurat nga punesimi dhe ato nga biznesi per individet tregtare dhe te vetepunesuar do te trajtohen dhe tatohen me te njejten norme tatimore:

Te ardhurat vjetoreNorma tatimore
 0-2’400’000 leke 13%
>2’400’000 leke23%

Duket sikur me kete projektligj do vendoset barazi mes te punesuarve dhe te vetepunesuarve. Me pak fjale “Barazi mes te varferfve”, sepse vetem progresivitet nuk ka me ne kete rregullim pavarsisht normave ne dukje.

Nje i vetepunesuar me fitim neto 250’000 leke ne muaj do te kete barre tatimore 23 % ose 57’500 leke ne muaj nderkohe nje biznes qe qarkullon dhe fiton miliona euro paguan ne kompleks 21.8 % te fitimit.

Ne percaktimin e fitimit te tatueshem do te konsiderohet nje nivel i caktuar shpenzimesh si ne nenin 14:

Neni 14

Regjimi i veçantë për individët tregtarë dhe të vetëpunësuar

  1. Nëse qarkullimi i individit tregtar ose të vetëpunësuar nuk i kalon [10,000,000] Milionë Lekë në vit, ata kanë të drejtë që nga të ardhurat e biznesit, të zbresë shpenzimet e supozuara në një shumë të vetme si më poshtë, pa mbajtur regjistrime në kontabilitet.
  • 60 % të të ardhurave për veprimtaritë prodhuese;
  • 90 % të të ardhurave për veprimtaritë e tregtimit me shumicë;
  • 70 % të të ardhurave për veprimtaritë e tregtimit me pakicë të mallrave dhe transportit individual;
  • 60 % të të ardhurave për veprimtaritë bare, restorante, disko etj, të kësaj natyre;
  • 50 % të të ardhurave për veprimtaritë e shërbimeve, veprimtarite artizanale dhe atyre zejtare
  • 35 % të të ardhurave për individët e vetëpunësuar.

Ne forme page do te trajtohet dhe tatohet fitimi qe personave te vetepunesuar te cilat i realizojne te ardhurat ne nje mase 50% nga nje klient i vetem ose ne masen 90 % nga 3 kliente. Ky ndryshim ka per qellim te shmange informalitetin dhe “maskimin” e mardhenies se punesimit me mardhenie sherbimi.

Tatimi mbi pagat dhe te ardhurat individuale

Ndryshon serish skema e tatimit mbi pagat e cila sapo ka hyre ne fuqi, vetem ne 1 Prill 2022. Per cfare u desh kjo skeme ne kohen kur do te qendronte vetem 8 muaj?

Ane pozitive e ketij projekligji eshte fakti qe permireson kuadrin ligjor dhe fut ne skeme te plote deklarimin individual vjetor te te ardhurave.

Ndryshimet qe parashikojne zbritjet sipas statusit individual, nivelit te pagave, personave ne ngarkim jane nje nxitje per te kryer deklarimin individual si edhe per te marre edhe rimbursimin e tatimin sipas rastit. Ne ligjin aktual per DIVA-n ka vetem nje percaktim per shpenzimet e zbritshme te cilat ne 99 % te rasteve jane te pa aplikueshme nuk aplikohen.

Neni 22

Zbritjet nga baza tatimore

  1. Tatimpaguesi i të ardhurave personale mund të zbresë nga baza tatimore për periudhën tatimore:
  • një shumë kompensimi personal prej 480.000 lekë nëse të ardhurat vjetore janë deri 480.000 lekë;
  • një shumë kompensimi personal prej 360.000 lekë nëse të ardhurat vjetore janë mbi 480.000 lekë;
  • një shumë kompensimi për cdo fëmijë në ngarkim të tij më pak se 18 vjeç dhe që jeton së bashku me tatimpaguesin në një familje të përbashkët prej 48,000 lekë.

2. Tatimpaguesi i tatimit mbi të ardhurat personale me të ardhura vjetore të tatueshme nga punësimi, të ardhura vjetore të tatueshme nga biznesi dhe të ardhura vjetore të tatueshme nga investimi më pak se 2.000.000 lekë mund të zbresë përveç kompensimeve individuale sipas paragrafit 1 më sipër, shpenzimet korrente për:

  • shpenzimet për arsimin e fëmijëve në ngarkim të tij, në vlerën maksimale 100,000 lekë;
  • medikamentet për fëmijët e tij ose në ngarkim të tij dhe personave që ka nën kujdestarinë e vet, për pjesën e pambuluar nga sigurimi i detyrueshëm shëndetësor, sipas përcaktimeve në Vendimin e Këshillit të Ministrave.

Ndryshon gjithashtu detyrimi per individet qe duhet te kryejne Deklarimin Individual Vjetor. Ligji aktual detyron individet me te ardhura vjetore > 2’000’000 leke ne vit ose individet e dypunesuar pavarisht nivelit te te ardhurave vjetore. Me ndryshimin e propozuar deklarata individuale e te ardhurave do te plotesohet nga:

Neni 67

Deklarata vjetore e të ardhurave personale

  1. Një person është i detyruar të dorëzojë një deklaratë vjetore tatimore personale kur të ardhurat tatimore të tij/saj janë:
  • Më shumë se [1,500,000] lekë e të ardhurave nga punësimi, ose
  • Më shumë se [50,000] lekë e çdo të ardhure tjetër që nuk i nënshtrohen tatimit përfundimtar në burim,  sipas Kapitullit 5 të këtij ligji.

Per te na ndjekur ne rrjete sociale klikoni linqet e meposhteme

https://www.facebook.com/SKF2018/?ref=pages_you_manage

https://www.instagram.com/trialstudio1/

https://www.linkedin.com/company/68493567/admin/

Ose na kontaktoni ne:

Kontakte

Per te kerkuar nje oferte klikoni ne:

Çmimet