dalja-jashte-perdorimit-e-mallrave

Dalja jashte perdorimit e mallrave

by with No Comment Blog

Dalja jashte perdorimit e mallrave per shkak se jane te paperdorshme eshte pjese e rriskut te te berit biznes.

Kalimi i afatit te pedorimit (skadimi) eshte rast tipik ne tregtine e mallrave ushqimor.

Raste tjera te ngjashme mund te jene demtime qe vijne nga pakujdesi apo demtime nga shkaqe natyrore.

Ky rrisk eshte i konsideruar nga ligji i TVSH dhe bizneset nuk kryejne rregullim te TVSH-se ne blerje. Mmallrat e demtuara njihen, pranohen dhe nuk konsiderohen si furnizim kundrejt pageses ne qofte se ndiqen procedurat ligjore te parashikuara.

Mallrat e demtuara tatohen per efekt te TVSH-se vetem ne rastet kur biznesi perfiton demshperblim per arsye te sigurimit te mallit.

Rregullat dhe procedura për daljet jashtë përdorimit të mallrave

Udhezimi nr. 6, dt. 30.01.2015 “Per TVSH ne R.SH”, neni nr. 58:

Personi i tatueshëm i cili do të kryejë nxjerrjen jashtë përdorimit të mallrave duhet:
i) të bëjë një njoftim me shkrim drejtuar autoritetit tatimor, përkatësisht Drejtorisë Rajonale Tatimore ku është i regjistruar. Nëpërmjet njoftimit, autoriteti tatimor informohet në lidhje me:
a. Listën e mallrave që do të nxjerrë jashtë përdorimit,
b. arsyet e nxjerrjes jashtë përdorimit për secilin artikull dhe
c. numrin e njësive/sasinëe mallrave,
d. çmimin e blerjes së secilit prej mallrave;
e. vlerën e mallrave;
f. datën kur do të kryhet ky proces.

ii) Njoftimi duhet të dërgohet pranë Drejtorisë Rajonale Tatimore jo më vonë se 5 ditë kalendarike, para datës së nxjerrjes jashtë përdorimit të mallit.

iii) Drejtoria Rajonale Tatimore cakton për të marrë pjesë në këtë proces dy inspektor, të cilët mbajnë një procesverbal për këtë qëllim, të konfirmuar edhe nga përfaqësuesi i personit të tatueshëm dhe personat e tjerë të pranishëm gjatë këtij procesi.

Nëse inspektoret nuk paraqiten brenda afatit të përcaktuar, personi i tatueshëm ka të drejtë të vazhdojë normalisht me nxjerrjen jashtë përdorimit të mallit. Në këtë rast janë të nevojshme dokumentet e institucioneve përkatëse të cilat kanë verifikuar shkatërrimin e mallrave, kur kërkohet prania e tyre.

Nëse procedura e mësipërme nuk ndiqet ose inspektorët tatimor kundërshtojnë kërkesën e personit të tatueshëm ose në rast kontrolli konstatojnë se personi ka vepruar në kundërshtim me përcaktimet ligjore tatimore apo me ligjet specifike të sektorit ku vepron, atëherë ai është i detyruar të kryejë rregullimin e TVSH-së së zbritur për mallin në përputhje me ligjin.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

rimbursimi-i-tvsh-se

Rimbursimi i TVSH-se

by with No Comment Blog

Rimbursimi i TVSH-se. Kush mund te kerkoje rimbursim te TVSH-se? Cila eshte procedura qe duhet ndjekur?

Ne baze te ligjit nr. 92/2014 “Per TVSH ne R.Sh”, neni nr. 77,

1. Një person i tatueshëm kërkon rimbursim të tepricës së kreditimit tatimor të TVSH-se nëse:

a) personi i tatueshëm ka mbartur tepricën e TVSH-së së zbritshme për 3 muaj radhazi, sipas pikave 2 dhe 3, të nenit 76, të këtij ligji; dhe

b) TVSH-ja e kërkuar për t’u rimbursuar tejkalon shumën prej 400 000 (katërqind mijë) lekësh.

Perjashtim nga rregulli nr. a) i ketij neni bejne eksportuesit te cilet mund ta kerkojne tvsh-ne sapo gjendja kreditore tejkalon Shumen 400’000 leke.

Kerkesa per rimbursin e TVSH-se kryhet online dhe i dergohet nepermjet postes Drejtorise se Rimbursimit, prane Drejtorise se Pergjithshme te Tatimeve.

TVSH-ja miratohet brenda 30 diteve nga paraqitja e kerkeses per eksportuesit dhe brenda 60 diteve per tatimpaguesit e tjere. Ne varesi te analizes se riskut, Drejtoria Rajonale Tatimore mund te ushtroje kontroll perpara se te miratoje TVSH-ne e rimbursueshme.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

TVSh ne tregtine e automjeteve

TVSH ne tregtine e automjeteve

by with No Comment Blog

TVSH ne tretine e automjeteve dhe mallrave te perdorura.

Një aktivitet i zakonshem i tregtise së mallrave të përdorura është tregtia e autoveturave.

Tregtarët e autoveturave e sigurojnë mallin e tyre ne dy mënyra:

  1. Nëpërmjet importit
  2. Duke blere brenda vendit nga individë të cilët nuk kanë cilësinë e tregtarit.

Në rastin e parë kemi të bëjmë me një aktivitet normal të TVSH-së.

Për rastin e dytë , tregtia e mallrave të përdorura, ligji ka parashikuar skëmën e marzhit të fitimit.

Përse nevojitet skema e marzhit të fitimit?

Rasti i trajtimit me skemën normale të TVSH

Supozojmë se tatimpaguesi “A” blen një autoveturë të përdorur nga individi “B” në vlerë 1’500 €. Si dokument justifikues për këtë rast nevojitet nje kontratë noteriale si edhe një autofaturë e cila deklarohet ne blerje pa TVSH.

Nësë supozojmë se tatimpaguesi “A” do ja shesë autoveturën një individi “C” me cmim total 2’500 €, për këtë transaksion do të deklarojë dhe paguajë në tatime 417 € TVSH.

Rasti i trajtimit me skemën e marzhit të fitimit

Sipas kësaj skeme, tatimpaguesi “A” në shitje do të tatohej për TVSH-në vetëm për marzhin e fitimit (cmim shitje-cmim blerje), pra për 1’000 €, për të cilën do të deklaroje e paguajë në tatime 167 € TVSH.

Pra, mdis dy skemave, në rastin e dyte, tatimpaguesit i mbeten fitim 250 € për të njëjtin transaksion.

Llogaritja e TVSH-së sipas kësaj skeme bëhet rast pas rasti për çdo mall. Kjo mënyrë llogaritje zbatohet nga personi i tatueshëm ri-shitës për çdo mall të përdorur.

Në rastin e marrë shembull, tatimpaguesi, aplikon skemën e marzhit të fitimit për autoveturat e blera nga individë brënda Shqipërise dhe skemën normale të TVSH për autoveturat e importuara.

Ligji nr. 92/2015 “Për TVSH në R.Sh”

REGJIMI I MARZHIT TË FITIMIT

Regjimi i marzhit aplikohet për furnizimet e kryera nga një person i tatueshëm rishitës i mallrave të përdorura, veprave të artit, objekteve të koleksionit ose antikuarëve, të cilat i janë furnizuar atij brenda territorit të Republikës së Shqipërisë nga personat e mëposhtëm:

a)një person që nuk është i tatueshëm për TVSH-në;

b)një person i tatueshëm, nëse furnizimi i mallrave që ai kryen përjashtohet nga TVSH-ja, sipas nenit 54, të këtij ligji, ose furnizon mallra, për të cilat nuk ka pasur të drejtën e zbritjes së TVSH-së, sipas nenit 74, të këtij ligji;

c)një person tjetër i tatueshem rishitës, në qoftë se funrnizimi i mallrave prej këtij të fundit i është nënshtruar TVSH-së, në përputhje me këtë skemë të marzhit;

ç) një person i tatueshëm, i cili është subjekt i regjimit për bizneset e vogla, sipas përcaktimeve të seksionit 1, të kreut XI, të këtij ligji, dhe furnizimi që kryhet ka të bëjë me mall kapital të përfshirë në aktivet afatgjata

1. Vlera e tatueshme e furnizimit të mallrave, sipas nenit 130, të këtij ligji, është marzhi i realizuar nga subjekti, zvogëluar me vlerën e TVSH-së që lidhet me vetë marzhin.

2. Marzhi i realizuar nga personi i tatueshëm është i barabartë me diferencën ndërmjet çmimit të shitjes së kërkuar nga personi i tatueshëm rishitës dhe çmimit të blerjes.

Neni 134

Kufizimi i kreditimit të TVSH-së për regjimin e marzhit

1. Personat e tatueshëm rishitës nuk kanë të drejtë të zbresin TVSH-në në lidhje me blerjet brenda vendit, importimin e veprave të artit, objektet e koleksionit ose të antikuareve kur furnizimi tatohet në përputhje me dispozitat e neneve 129 dhe 130, të këtij ligji.

2. Personi i tatueshëm nuk ka të drejtë të kreditojë TVSH-në për mallrat që i janë furnizuar nga një person i tatueshëm rishitës në qoftë se ky furnizim i është nënshtruar regjimit të marzhit.

Neni 135

Faturimi

Personat e tatueshëm rishitës, të cilët zbatojnë regjimin e marzhit, nuk duhet të llogaritin apo të pasqyrojnë të ndarë vlerën e TVSH-së në faturën e lëshuar. Në çdo faturë të lëshuar që i nënshtrohet regjimit të marzhit, personi i tatueshëm rishitës duhet të shënojë: “Shitje që i nënshtrohet regjimit të marzhit të fitimit”.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

shpenzimet

DPT politike me evazionin

by with No Comment Blog

Administrata tatimore nuk duhet te beje politike duke nxitur evazionin fiskal. Eshte aty per ta luftuar ate.

Me hyrjen ne fuqi te VKM nr. 576 dt. 22.07.2020, e cila rritt kufrin e rregjistrimit ne skemen e TVSH-se, administrata tatimore, gjate zbatimit praktik te tij, konkretisht ne daljen nga skema e TVSH-se, shkel ne menyre flagrante duke mos ushtruar kopetencat qe percakton ligji nr. 92/2014 “Per tatimin mbi vleren e shtuar ne R.Sh”

Nepermjet komunikimeve dhe njoftimeve drejtuar tatimpaguesve nga ana e DPT, eshte kerkuar qe bizneset te cilet dolen nga skema, te rregullojne vetem tepricen kreditore te TVSH-se.

Çfare thote ligji, i anashkaluar nga administrata, per nje moment te tille?

Neni nr. 9, i ligjit 92/2014 “Per TVSH ne R.Sh”

Furnizimi i mallrave kundrejt pagesës

2. Trajtohen gjithashtu si furnizime malli kundrejt pagesës rastet kur:

b) në rastet e çregjistrimit, të gjitha mallrat e furnizuara për personin e tatueshëm dhe ende në pronësi të personit të tatueshëm, si pjesë e pasurisë së biznesit, në qoftë se është zbritur tërësisht apo pjesërisht TVSH-ja në blerje e mallit apo elementeve që përbëjnë mallin;

Neni nr.7, i udhezimi nr. 6, dt 30.01.2015 “Per TVSh ne R.SH”

1. Nëse personi i tatueshëm që çregjistrohet ose kërkon të çregjistrohet nga TVSH-ja ka mallra stok (inventar) të pa-shitura, ose mallra kapitale, aktive të tjera të përdorura për veprimtarinë, ku TVSH-ja mbi këto mallra ka qenë tërësisht apo pjesërisht e zbritshme, në bazë të nenit 9 të ligjit, këto mallra do të konsiderohen si furnizim kundrejt pagesës dhe personi i tatueshëm është i detyruar të llogarisë ose rregullojë TVSH-në për këtë furnizim.

Bazuar në nenin 38 të ligjit, vlera e tatueshme e këtij furnizimi duhet të jetë e përbërë nga çmimi i blerjes së këtyre mallrave ose në mungesë të çmimit të blerjes nga vlera e kostos e përcaktuar në momentin kur personi i tatueshëm përfundon veprimtarinë e tij ekonomike të tatueshme.

Në këtë rast mallrat inventar (për t’u shitur) do të konsiderohen si furnizim kundrejt pagesës, ndërsa për mjetet –aktive të luajtshme ose të paluajtshme do të bëhet rregullimi i zbritjes së TVSH-së në përputhje me afatin e përdorimit të këtyre aktiveve për qëllime të veprimtarisë.

Shembull:

Supozojme se:

Ggjendja inventarit te mallrave ne date 31.12.219 eshte 2’200’000 leke

TVSH-ja gjendje e tatimpaguesit ne date 31.12.2019 eshte 400’000 leke

Blerje mallra gjate vitit 2020 me vlere pa TVSH 3’000’000 leke dhe TVSH 600’000 leke

Shitje gjate vitit 2020 (marzh bruto 20 %) me vlere pa TVSH 4’500’000 leke dhe TVSH 900’000 leke.

Gjendja e inventarit ne date 31.12.2020 rezulton te jete 1’600’000 leke (1’200’000 leke+3’000’000 leke – 0.8*4’500’000leke)

TVSH-ja gjendje ne llogarine e tatimpaguesit ne date 31.12.2020 rezulton te jete 100’000 leke (400’000 leke+600’000 leke-900’000 leke.)

Sipas DPT tatimpaguesit qe dolen nga skema duhet te rregullonin (zeronin/eleminonin) vetem tepricen e TVSH-se ne date 31.12.2020 (100’000 leke) duke plotesuar kutine nr. 50 te FDP-se.

Sipas ligjit, rasti i mesiperm do te rezultonte me pagese TVSH-je ndaj shtetit ne vlere 220’000 leke (1’600’000 leke*0.2-100’000 leke).

Ne shembullin e mesiperm DPT ka amnistuar evazionin me 220’000 leke te reja. Shifrat me siper jane marre me minimalistet. Pjesa derrmuese e subjekteve qe dolen nga skema jane me keto shifra e me teper.

Biznesi i vogel nuk ka paguar detyrime tatimore sepse, se pari eshte ne natyren e biznesit qe nese i lihet hapsire ti shmanget detyrimeve, ai e ben. Per kete pune sherben administrata tatimore.

Eshte fakt gjithashtu edhe se nje pjese e mire e ketyre bizneseve nese do te paguanin detyrimet tatimore sipas ligjit do te falimentonin. Pra ne parim biznesi i vogel duhet ndihmuar e lehtesuar sa me shume nga taksat e tatimet apo duke e subvencionuar. Por jo ne kete forme.

Administrata tatimore nuk duhet te amnistoje pa ligj. Duhet te ndryshoje ligjin. Nuk mund te lejoje me vetedije mosrespektimin e ligjit. Me vetedije sepse keto subjekte qe u crregjistruan nga skema, administrata e ka shume te leht ti identifikoje e ti disiplinoje.

Cfar ndodh me ato biznese te vogla qe kane paguar rregullisht detyrimin e TVSH-se dhe nuk kane fryre magazinat? Po me ata qe nuk kane paguar kurre? Po me edukimin dhe disiplinimin e biznesit?

Te dyja palet do te nxiten per te vijuar me evazionin dhe do te mbeten pre e korrupsioneve pasi gjithsesi mbeten te parregullt me ligjin.

Nje administrate tatimore qe amniston ne heshtje, pa ligj, me vetedije te plote, eshte teresisht e politizuar.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

tvsh

TVSH

by with No Comment Blog

Me hyrjen ne fuqi te VKM-se qe rritu kufirin e TVSH nga 2 mln ne 10 mln leke, bizneseve qe jane subjekt i tatimit te thjeshtuar mvi fitimin ju intereson qe ne raste importesh te makinerive e pajisjeve te kerkojne perjashtimin e TVSH-se ne import/dogane.

Rregulli I pergjithshem, I cili rrjedh nga neni nr. 2 I ligjit te TVSH-se “Fusha e zbatimit”, eshte se TVSH aplikohet per te gjitha importet ne territorin e Republikes se Shqiperise.

Nje prej perjashtimeve nga rregulli i pergjitheshem, i specifikuar ne nenin nr. 56 i ligjit te TVSH-se, pika 38 .eshte rasti i importeve makinerive dhe pajisjeve nga taimpaguesit qe jane subjekt i tatimit te thjeshtuar mbi fitimin.

Neni nr. 56 i ligjit te TVSH-se, pika 38.c

Janë furnizime të përjashtuara nga tatimi mbi vlerën e shtuar në import:

38.Importimi i makinerive dhe pajisjeve:

importimi i makinerive prodhuese nga subjektet e tatimit të thjeshtuar mbi fitimin.

Procedura per perfitimin e perjashtimit ne dogane:

-një kërkesë me shkrim, së cilës, kur kryhen veprime për herë të parë pranë autoriteteve doganore, i bashkëngjitet edhe një fotokopje e certifikatës së NUIS/NIPT-it;

-vërtetim nga Drejtoria Rajonale Tatimore se importuesi është person i tatueshëm që i nënshtrohet regjimit të biznesit (ndërmarrjeve) të vogla dhe ushtron aktivitet prodhues;

-kopje të ekstraktit të QKR-së;

-të dhëna për llojin dhe sasinë e makinerive prodhuese që do të importohen me kodet tarifore përkatëse dhe për periudhën e instalimit.

-Deklaratë e personit të tatueshëm që makineria apo pajisja, për të cilën kërkohet përjashtimi, nuk është importuar për qëllime shitjeje.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

dalja-nga-skema-e-tvsh

Dalja nga skema e TVSH

by with No Comment Blog

Dalja nga skema e TVSH. Deri me date 28 Janar subjektet duhet te zgjedhin, ata qe e kane kete mundesi, nese do te mbeten pjese e skemes se tvsh-se apo do te dalin nga skema.

Ne rast se zgjedhin te qendrojne, ose nuk ushtrojne te drejten e zgjedhjes, crregjistrimi nga skema e TVSH-se mund te behet vetem pas dy viteve, gjithmone nese kushtet ligjore plotesohen.

Sipas VKM nr. 576 dt. 22.07.2020, kufiri minimal i regjistrimit për tatimin mbi vlerën e shtuar është qarkullimi prej 10 000 000 (dhjetë milionë) lekësh në një vit kalendarik. Personi i tatueshëm ka të drejtë të zgjedhë të zbatojë regjimin normal të TVSH-së, në përputhje me përcaktimet e nenit 120, të ligjit, nëse qarkullimi vjetor është më i madh se 5 000 000 (pesë milionë) lekë.

Ne secilin profil te tatimpaguesve, ne menune ceshtjet e mia, eshte dhene mundesia e zgjedhjes se TVSH-se.

Kujdes! Packa se mundesia e zgjedhjes i del cdo tatimpaguesi, duhet pasur parasysh cfare thote ligji dhe komunikimet e DPT per kete fakt. Me poshte po paraqesim disa situata:

1-Tatimpaguesi qe rezulton me xhiro te vitit 2020 me te ulet se 5 mln leke, eshte i detyruar te zgjedhe te dale nga skema e TVSH-se, pavarsisht vullnetit te tije.

2-Tatimpaguesi qe rezulton me xhiro te vitit 2020 5 mln – 10 mln leke mund te zgjedhe nese do te qendroje apo jo ne skemen e TVSH-se.

3-Tatimpaguesi qe rezulton me xhiro te vitit 2020 me 0-10 mln leke dhe kryejne importe mallrash per qellim tregtie jane te detyruar te mbeten pjese e skemes se TVSH

4-Tatimpaguesi qe rezulton me xhiro te vitit 2020 me pak se 5 mln leke dhe gjate vitit 2020 ka kryer importe te investimit dhe jo per qellim tregtie eshte i detyruar te dale nga skema e TVSH-se.

5-Tatimpaguesi qe rezulton me xhiro te vitit 2020 me 5mln-10 mln leke dhe qe ka kryer importe te investimit dhe jo per qellime tregtie mund te zgjedhe nese do te qendroje apo jo ne skemen e TVSH-se.

Crregjistrimi nga skema e TVSH-se, ne cdo rast, qoft per shkak te ndryshimit te kufirit, mbylljes se aktivitetit, apo renies se xhiros, per shumicen e tatimpaguesve sjell si rezultat daljen me pagese TVSH-je ne FDP-ne e Dhjetorit. Kjo sepse pothuaj te gjithe tatimpaguesit kane gjendje malli dhe ose aktive afatgjata per te cilat tvsh-ja ka qene e zbriteshme ne momentin e blerjes.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!

TVSH

Pragu i ri i TVSH

by with No Comment Blog

Ne 1 Janari hyn ne fuqi pragu i ri i TVSH

Sipas nje njoftimi te bere me heret nga Drejtoria e Pergjitheshme e Tatimeve, subjektet qe preken nga ky ndryshim ligjor do te dalin automatikisht nga skema e TVSH-se.

Bazuar ne VKM nr. 576 dt. 22.07.2020, te gjithe subjektet te cilet gjate vitit 2020 rezultojne me qarkullim vjetor nen 10 mln leke duke filluar nga 1 janar 2021 nuk do te jene pjese e skemes se TVSH. Me deshire mund te vijojne te mbeten pjese e skemes ato subjekte me qarkullim vjetor 5mln – 10 mln leke.Si do procedohet me gjendjen e mallrave stok dhe ato kapitale?Neni nr.9, i ligjit nr 92/2014 Trajtohen gjithashtu si furnizime malli kundrejt pagesës rastet kur: “në rastet e çregjistrimit, të gjitha mallrat e furnizuara për personin e tatueshëm dhe ende në pronësi të personit të tatueshëm, si pjesë e pasurisë së biznesit, në qoftë se është zbritur tërësisht apo pjesërisht TVSH-ja në blerje e mallit apo elementeve që përbëjnë mallin”, detyron te gjithe subjektet te kryejne rregullimin e TVSH-se brenda dates 3.12.2020.

Bejne perjashtim nga rregulli i mesiperm te gjithe subjektet me xhiro nen 10 mln leke te cilet kryejne importe mallrash. Kjo kategori do te vazhdoje te mbetet pjese e skemes se TVSH-se.

Subjektet qe do te dalin nga skema do duhet te kryejne autofature per mallrat qe kane gjendje ne date 31 Dhjetor 2020. Cmimet e shitjes ne kete autofature do te jene te njejta me koston e mallit. Kjo autofature do te deklarohet ne liber shitje si shitje e tatueshme ndersa ne liber blerje si blerje e perjashtuar.

Gjithashtu, per asetet gjendje, per te cilat eshte kredituar TVSH ne blerje, duhet te kryejne autofature. Si cmim shitje do te konsiderohet vlera kontabel neto e asetit. Njelloj si ne rastin e mallrave, autofatura do te deklarohet ne liber shitje si shitje e tatueshme dhe ne liber blerje si blerje e perjashtuar.

Per me teper informacione ju ftojme te vizitoni faqen tone web ku mund te gjeni tematika nga me te ndryshmet, kontaktet dhe adresen e zyres. Gjithashtu mund te na ndiqni dhe ne rrjete sociale si Instagram dhe Facebook.

Ju mirepresim!