Cikli

Menaxhimi i Marrëdhënieve me Klientin (CRM)

by with No Comment Uncategorized

Pyetja më e zakonshme në hapjen e një biznesi por edhe në tentativat për zgjerim të një biznesi ekzistues është: “Ku dhe si do ti gjenerojme klientët”?

Ndonëse kjo është një pyetje jetike e pikënisjes së biznesit për të cilën marketingu ofron disa metoda kërkimi, bizneset nuk duhet të fokusohen vëtëm aty. Ndonjëher është me lehtë të gjesh klientë se sa ti mbash ata.

Ndodh jo pak shpesh që të gjendemi të neglizhuar nga furnitori ynë në marrjen e një produkti/shërbimi apo në tarifa preferenciale kundrejt klientëve të rinj të tij. Por ne nuk jemi klientë të perjetshëm. Shembull tipik i neglizhencës së menaxhimit të mardhënieve me klientët janë kompanitë celulare të cilat ofrojnë paketa më të favorshme për klientët e tyre të rinj, në një kohë që neve si klientë ekzistues nuk ndodh te na marrin e të na thonë: “Duke qenë se jeni klient i vjetër dhe i rregullt ne do t’ju ofrojmë “x” sherbim shtesë apo “y” zbritje nga tarifa.”

Menaxhimi i marrëdhënieve me klientët është qasja më e mirë dhe më efikase në ruajtjen dhe krijimin e marrëdhënieve me klientët. Nuk është vetëm një biznes i pastër, por gjithashtu krijon një lidhje të fortë personale brenda njerëzve. Zhvillimi i këtij lloji të lidhjes e çon biznesin në nivele të reja suksesi.

Më poshtë po rendisim disa aspekte të menaxhimit të marrëdhënieve me klientët të marra nga IFAC (Federata Ndërkombëtare e Kontabilistëve):

1- Njohja e klientit tuaj

  • Eshte e rendesishme te kuptoni vizionin qe kane klientet per biznesin dhe planet e tyre afatgjata.
  • Menyra me e mire per te njohur klientet tuaj eshte zhvillimi i “Pyetesorit te Klientit”, qe permban kryesisht pyetje te tilla si:
  • Cili eshte plani juaj aktual i biznesit?
  • Cilat jane qellimet dhe objektivat tuaja kryesore?
  • Ku e shikoni biznesin tuaj pas dy, pese dhe dhjete viteve?
  • Cilat jane gjerat me te rendesishme qe deshironi nga kontabilisti juaj?
  • Sa kohe deshironi te qendroni te perfshire ne kete biznes?

2- Rishikimi i bazes se klienteve

  • Eshte e rendesishme te kuptoni se si klientet nderveprojne me shoqerine tuaj, per te percaktuar se cilet kliente kane nje marredhenie te forte me shoqerine dhe cilet jo.
  • Menyra me efektive per ta bere kete eshte klasifikimi i klienteve. Shoqerite shpesh e bejne kete ne baze te tarifave qe klientet paguajne kombinuar dhe me disa kritere “jo- monetare” si p.sh:
  • Sa nga sherbimet tona perdorin aktualisht?
  • A i paguajne faturat ne kohe?
  • A i respektojne keshillat tona?
  • A mund t’i shtojme vlere biznesit te tyre?
  • A ndihemi mire kur punojme me ta?

3-Matja dhe tejkalimi I pritshmerive te klienteve

  •  Çfare duan klientet?

Bizneset duhet te vihen ne dispozicion te klientit dhe te shikojne pertej transaksionit aktual duke u perfshire ne nje menyre te pershtatshme me biznesin e tyre per te kuptuar ate qe klienti kerkon ne te vertete.

  • Matja e pritshmerive te klienteve.
  • Identifikoni se cilat jane pritshmerite e klientit tuaj
  • Matni pritshmerite e klientit tuaj
  • Kontrolloni ne menyre te vazhdueshme nese pritshmerite e tyre jane realizuar: Pyesni klientin.
  • Tejkalimi i pritshmerive te klientit
  • Duhet te mendoni vazhdimisht se si mund te shkoni pertej asaj qe klientet presin.
  • Telefonatat rutine ndihmojne drejt ndertimit te marredhenies me klientin tuaj. Te jeni te sigurt se ai do ta vleresoje telefonaten tuaj
sigurime

Kontributet shoqerore dhe shendetesore per te dy-punesuarit

by with No Comment Uncategorized

Personat ekonomikisht aktiv ne dy ose me shume subjekte deklarojne dhe paguajne kontribute shoqerore deri ne nivelin e pages maksimale dhe kontribute shendetesore per totalin e pagave bruto, pa limit te siperm.

a. Kur shuma e pagave bruto mujore, që punonjësi merr nga të dy tatimpaguesit është më e vogël se kufiri i pagës maksimale për kontributet shoqërore, atëherë për këtë punëmarrës, secili prej subjekteve në mënyrë të pavarur, llogarit dhe deklaron kontributet për sigurimet shoqërore e shëndetësore njësoj sikur personi të mos ish i punësuar në punëdhënës tjetër. Pra kontributet e sigurimeve shoqërore e shëndetësore deklarohen mbi bazën e pagës reale por jo më pak se niveli i pagës minimale në shkallë vendi

b. Kur shuma e pagave bruto mujore, që punonjësi merr nga të dy tatimpaguesit është sa, ose më e madhe, nga kufiri i pagës maksimale për kontributet shoqërore, atëherë për këtë punëmarrës, tatimpaguesi nga i cili ai merr pagën më të lartë llogarit dhe deklaron kontributet shoqërore mbi bazën e pagës reale deri në kufirin e pagës maksimale për kontributet shoqërore. Tatimpaguesi tjetër, nga i cili punëmarrësi merr pagën më të ulët deklaron dhe paguan kontributet shoqërore mbi bazën e pagës mujore, që rezulton si diferencë midis pagës maksimale për kontributet shoqërore me pagën, që punonjësi merr nga tatimpaguesi prej të cilit ai merr pagën më të lartë. Në këtë rast tatimpaguesi i dytë, nga i cili punëmarrësi merr pagën më të ulët, te emri i personit, në rubrikën “Shënime” të të dhënave të listëpagesës, shënon “Deklaruar kontribute shoqërore me pagë ……… te tatimpaguesi “x” me NIPT……….”, si dhe ruan vërtetimin e lëshuar nga tatimpaguesi që deklaron dhe paguan pagën më të lartë. Kontributet e sigurimit shëndetësor llogariten dhe deklarohen nga të dy tatimpaguesit mbi bazën e pagës bruto mujore të punonjësit por jo më pak nga paga minimale në shkallë vendi dhe pa kufi të sipërm të saj.

marreveshja me keste

Marrëveshja e pagesës me këste mes tatimpaguesit dhe adm tatimore

by with No Comment Uncategorized

Detyrimet per te cilat tatimpaguesi mund te lidhe marreveshje te pageses me keste si edhe kushtet e procedura qe duhet ndjekur.

Ligji nr. 9920, dt. 19.05.2008 “Per procedurat tatimore ne R.Sh”, neni nr. 77.

1. Kur një rrethanë financiare pengon tatimpaguesin për të paguar në afat detyrimet tatimore, ai mund të lejohet të lidhë në çdo kohë marrëveshje pagese me këste. Në të njëjtën kohë tatimpaguesi duhet të vërtetojë që është në kushtet e pamundësisë financiare për të paguar të plotë detyrimin tatimor, si dhe të tregojë që pavarësisht nga rrethana financiare, ai është në gjendje të përmbushë marreveshjen.

2. Tatimpaguesi paraqet një kërkesë me shkrim, për të hyrë në një marrëveshje pagese me këste. Kërkesa duhet t’i drejtohet drejtorit të drejtorisë rajonale apo drejtuesit të njësive të ngjashme me të dhe duhet të parashtrojë arsyet, që e pengojnë tatimpaguesin për të paguar detyrimet tatimore.

3. Marrëveshja e pagesës me këste bëhet me shkrim, brenda 10 ditëve kalendarike nga data e paraqitjes së kërkesës dhe nënshkruhet nga tatimpaguesi dhe drejtori i drejtorisë rajonale apo drejtuesi i njësisë së ngjashme me të. Për të nënshkruar një marrëveshje të pagesës me këste, tatimpaguesi detyrohet të paguajë menjëherë të paktën njëzet për qind vlerës së detyrimit, për të cilin lidhet

4. Marrëveshja e pagesës me këste nuk mund të zgjasë më tepër se fundi i vitit kalendarik pasardhës.

5. Administrata tatimore mund ta refuzojë kërkesën për një marrëveshje pagese me këste ose të kërkojë garanci bankare, para se të hyjë në një marrëveshje të

6. Tatimpaguesi duhet të paguajë kamatëvonesë për të gjitha detyrimet tatimore, pagesa e të cilave shtyhet, sipas marrëveshjes së pagesës me këste. në një marrëveshje të pagesës me këste me administratën tatimore, duke filluar nga muaji që pason muajin në të cilin marrëveshja është vendosur deri në përfundimin e afatit të marrëveshjes, me kushtin që marrëveshja të jetë përmbushur tërësisht, tatimpaguesi paguan kamatëvonesë për detyrimin tatimor, pagesa e të cilit shtyhet, por nuk llogaritet gjobë për pagesë të vonuar sipas nenit 114 të këtij

7. Marrëveshja për pagesë me këste mund të lidhet për detyrime tatimore të vendosura nga administrata tatimore, si rezultat i një vlerësimi tatimor të kryer, sipas nenit 68, të këtij ligji, si dhe për detyrime tatimore të vetëdeklaruara nga tatimpaguesi. Pavarësisht sa më sipër, administrata tatimore nuk hyn në një marrëveshje të pagesës me këste, për detyrim tatimor mbi të ardhurat, të mbajtur në burim dhe të vetëdeklaruar nga tatimpaguesi, si dhe për detyrim nga kontributet e sigurimeve shoqërore e shëndetësore, i cili është llogaritur ose mbledhur, ose mbajtur prej tatimpaguesit.

Përjashtimisht, në rastet kur në cilësinë e tatimpaguesit janë institucione apo ente shtetërore apo publike, qendrore apo vendore, apo ente të tjera ku shteti është palë, për raste të një interesi të lartë publik ose të nevojës për moslejimin e cenimit të sigurisë kombëtare, mund të lidhet një marrëveshje me këste edhe për detyrimet e kontributeve të sigurimeve shoqërore e Marrëveshja me këste nuk lehtëson pozitën ligjore të personit përgjegjës në rastet e prezumimit apo të konsumimit të veprës penale të parashikuar ligjërisht, lidhur me detyrimin tatimor të vetëdeklaruar nga tatimpaguesi, i cili është llogaritur ose mbledhur, ose mbajtur prej tij, përfshirë kontributet e sigurimeve shoqërore e shëndetësore.

8. Në rastin kur për tatimpaguesin ka filluar mbledhja me forcë e detyrimeve tatimore, hiqet urdhërbllokimi i llogarive bankare të tatimpaguesit, i vendosur në përputhje me nenin 90 të këtij ligji.

Në rastin kur për tatimpaguesin ka filluar mbledhja me forcë e detyrimeve tatimore, në përputhje me nenin 91, të këtij ligji, pavarësisht nga lidhja e marrëveshjes së pagesës me këste, administrata tatimore, për të siguruar pagesën e detyrimit tatimor nuk heq dore nga kjo masë. Administrata tatimore nuk mund të lidhë një marrëveshje të pagesës me këste nëse ka filluar procedurat e shitjes në ankand të pasurive të konfiskuara për efekt të atij detyrimi tatimor të pashlyer, në përputhje me nenin 96 te ketij ligji.

Bussines plan

Plani i biznesit

by with No Comment Uncategorized

Çfarë është një plan biznesi?

Plani i biznesit është ai që lind dhe zhvillohet në mëndjen e cdo individi përpara se të konkretizohet. Nis me idene, e cila zakonisht buron nga një nevojë e tregut. Ideja nënkupton produktin/shërbimin për tu ofruar.  Në këtë fazë cdo individ fillon dhe mendon per investimin fillestar të nevojshëm, mundësitë për financim të idesë (buxheti), mundësite potenciale për të gjetur klientë (analiza e tregut) dhë në fund fitimet e pritshme (pasqyrat financiare proforma).

Ideja e individit, e shkruar, e detajuar në të gjitha hapat që duhet të ndjekë një biznes, pasuruar me kërkime dhe analiza konrete përbëjnë atë që quhet plan biznesi.

Një plan biznesi është një dokument i shkruar që përshkruan në detaje sesi një biznes, zakonisht një startup por jo vetëm, përcakton objektivat e tij dhe rrugën që duhet të ndjekë për të arritur qëllimet e tij.  Një plan biznesi paraqet një udhërrëfyes të shkruar nga pikëpamjet e marketingut, financiar dhe operacional.

Përse është i rëndësishëm një plan biznesi?

  • Fillimisht, një plan biznesi nevojitet për të qartësuar, rishikuar dhe saktësuar idenë fillestare.

Jo cdo gjë që ju vjen në mëndje mund të jetë e realizueshme ose për të mund të ketë oportunitet në treg . Duke e shkruar idenë ju do të thellohemi në rrugën nëpër të cilën duhet të kaloni për ta konkretizuar atë dhe do të bëni vlerësimet e nëvojshme të situatës. Nëse rezulton që ideja të jete e realizueshme ju mund të bëni përmirësimet e duhura gjatë zhvillimit të planit të biznesit. Gjithashtu në përgatitjen e një plani biznesi ju ekspozoni objektivat tuaja me të cilat duhet të mateni në vijim. Pra, më ë rëndësishmja është që plani i biznesit i nevojitet së pari vetë biznesit.

  • Nëse doni të prezantoheni me një investitor, duhet të jeni të strukturuar në një nivel dokumentar. Plani i biznesit është dokumenti kryesor që përmbledh idenë tuaj të biznesit.

Investitori mund të jëtë banka, një partner në biznes apo një huadhënës cfardo, i cili në fund të fundit ka nevojë të besoje se ideja juaj do të jetë e sukseshme. Një investiror nuk mund të besojë automatikisht në idenë tuaj por mund të vlerësojë dhe besojë planin tuaj të biznesit.

  • Nëse dëshironi të merrni pjesë e të përfitoni nga grantë lokale, kombëtare apo të Bashkimit Europian është thelbësore të keni një plan biznesi të mirë strukturuar. Institucionet dhe organizatat që ofrojnë këto grantë do ta gjykojnë idenë tuaj njëlloj si të ishin investitor.

Planet e mirë strukturuara duhet të përfshijnë një përmbledhje ekzekutive, produkte dhe shërbime, strategji dhe analiza marketingu, planifikim financiar me disa skenarë dhe një parashikim financiar.

rritet-akciza-e-produkteve-t-euml-luksit_hd-780x439

Akciza – Dallimi fiskal mes takses ne import dhe ne prodhimin vendas

by with No Comment Uncategorized

Akciza është një taksë që zbatohet mbi produktet e akcizës, të prodhuara dhe të importuara, që hidhen për konsum në territorin e Republikës së Shqipërisë.

Ne trajtimin fiskal ka dallim mes akcizes per mallrat e importuara dhe akcizes per mallrat e prodhuara brenda vendit.

Rregullat e përgjithshme për prodhimin, mbajtjen, magazinimin, lëvizjen dhe kontrollet mbi produktet që i nënshtrohen detyrimeve të akcizës, percaktohen nga ligji nr. 61/2021 “Per akcizat ne R.SH” dhe aktet ligjore ne zbatim te tij.

Sipas ligjit “Per Tatimin mbi te ardhurat”, akciza eshte shpenzim i panjohur.

Neni 21 I ligjit nr. 8438 dt. 28.12.1998 ““Per Tatimin mbi te ardhurat”,

Shpenzime të panjohura

gj) tatimi mbi të ardhurat personale, akciza, tatimi mbi fitimin dhe tatimi mbi vlerën e shtuar të zbritshëm;

Ne kete pike ligji ben fjale per akcizen e mallrave te prodhuara ne Republiken e Shqiperise.

Akciza per importin e mallrave qe i nenshktrohen kesaj takse ben pjese ne shpenzimet e njohura.

Udhezimi nr. 5 dt. 30.01.2006 “Per Tatimin Mbit e ardhurat, pika nr. 3.6.J

3.6. SHPENZIME TË PANJOHURA

Akciza e paguar në blerje ose në import në çdo rast është shpenzim i zbritshëm. Kështu p.sh. nëse një shoqëri transporti blen karburante, në çmimin e të cilave është përfshirë edhe akciza, e gjithë vlera e këtyre shpenzimeve është shpenzim i njohur. E kundërta ndodh me akcizën e llogaritur në shitje. Kjo akcizë nuk njihet si shpenzim i zbritshëm. Kështu p.sh. një tatimpagues prodhues birre, kur shet birre, llogarit edhe akcizën përkatëse të cilën e mbledh dhe e derdh për llogari të shtetit. Në këtë rast për pjesën e akcizës së llogaritur nuk preken llogaritë e të ardhurave dhe të shpenzimeve. pasi akciza në këtë rast është shtesë mbi çmimin e shitjes (kosto plus fitim) dhe nuk zbritet nga shpenzimet e biznesit;

Kompensimet e kontributeve shtese

TVSH-Vetefurnizimi i mallrave dhe sherbimeve

by with No Comment Uncategorized

Ne aktivitetin e perditshem ekonomik te biznesit mund te ndodhe qe biznesi te perdore mallra dhe sherbimet qe tregton per nevojat e aktivitetit te tije.

Vetefurnizimi i mallrave dhe sherbimeve konsiderohet si furnizim kundrejt pagesës nga personi i tatueshëm furnizimi i mallrave të prodhuara, të ndërtuara, të nxjerra, të përpunuara, të blera ose furnizimi i shërbimeve në kuadër të veprimtarisë së tij ekonomike për t’u përdorur për nevoja të kësaj veprimtarie.

Raste te tilla mund te permenden:

– nje shoqeri me aktivitet ne fushen e Teknologjise se Informacionit, nderton nje software per nevojat e brendshme te saje.

– nje shoqeri qe tregton kafe dhe nenprodukte te saj, nje pjese te mallit te blere e perdor per personelin e saj.

– nje studio kontabiliteti, mban kontabilitin per aktivitetin e saj.

Kujdes!

Vetefurnizimi, rastet e mesiperme, ndryshojne dhe trajtohen ndryshe ligjerisht nga perdorimi i mallrave e sherbimeve per nevojat e pronarit/pronareve. P.Sh nese pronari i nje shoqerie me aktivitet ne fushen e ndertimit do te ndertoje nje shtepi banimi per veten e tije.

Sipas ligjit, subjekti qe kryen vetefurnizim duhet te leshoje nje fature tatimore ku si bleres dhe shites eshte vete subjekti. Kjo fature deklarohet ne liber shitje si furnizime me shkalle 20 % ose e perjashtuar varesisht aktivitetit te biznesit. Ne te njejten kohe, fatura deklarohet ne blerje si blerje e perjashtuar, blerje me shkalle 20 % apo investime, varesisht aktivitetit dhe produktit/sherbimit te vetefurnizuar.

Bazuar në nenin 15 të ligjit, në këtë rast, personi i tatueshëm konsiderohet se ka kryer një vetëfurnizim të mallrave dhe shërbimeve me kushtin që këto mallra e shërbime të përdoren për qëllime të veprimtarisë ekonomike të tatueshme, jo të përjashtuar të personit të tatueshëm.

Personi i tatueshëm i furnizon dhe gjithashtu i trajton këto mallra ose shërbime si furnizime të marra prej tij, për qëllime të veprimtarisë ekonomike të tatueshme, duke aplikuar zbritshmërinë e TVSH-së, në përputhje me dispozitat e këtij ligji.

Për këtë, personi i tatueshëm lëshon një faturë për furnizimin si furnizues i mallit ose shërbimit dhe në të njëjtën kohë si blerës i këtij furnizimi për nevoja të biznesit të tatueshëm.

Per rastet e vetefurnizimit, aplikimi apo jo i TVSH-se si edhe e drejta e zbritjes ose jo ne blerje e saj nuk lidhet me procesin e vetefurnizimit. Per efekt te TVSh, si ne shitje ashtu edhe ne blerje vetefurnizimi trajtohet njelloj sikur shitja te ishte kryer per nje tatimpagues tjeter.

b1520198662739-ebiznes-herobanner-1920

eBiznes zgjidhje software per fiskalizimin

by with No Comment Uncategorized

eBiznes është zgjidhja më e re dhe më efikase për fiskalizimin e faturave tatimore edhe deklarimin e shitjeve në kohë reale te Drejtoria e Përgjithshme e Tatimeve në përputhje me Ligjin nr. 87/2019 datë 18.12.2019, “Për Faturën dhe Sistemin e Monitorimit të Qarkullimit”.

Trial Studio ka implementuar me sukses zgjidhjen software eBiznes ne disa prej klienteve te saj.

Aplikacioni eBiznes i Vodafone Albania eshte lehtesisht i konfigurueshem dhe komod ne perdorim. Keshillohet te perdoret sidomos per subjekte te cilet kryejne shitje “dere me dere” me automjet por jo vetem. Aplikacioni eshte plotesisht funksional per aktivitetet e sherbimit dhe tregtine ne objekte fikse.

Per te punuar me eBiznes nevojitet vetem nje celular Smartphone/tablet dhe nje priter me Bluetooth.

Paketa eBiznes, per vetem 800 leke/muaj perfshire TVSH mundeson:

  • 3’000 Transaksione cash në muaj
  • 50 Fatura eInvoice në muaj
  • 50 Fatura shoqëruese në muaj
  • 1 Pikë shitje
  • 3 Operatorë shitës

Trial Studio ofron konsulence ligjore per fiskalizimin dhe asistence teknike per impelmentimin e aplikacionit eBiznes.

Accountant-Hero-1

Puna- kostoja e fshehur dhe me e madhe fiskalizimit

by with No Comment Uncategorized

Prej dates 1 Korrik 2021 kemi hyre ne fazen e dyte te fiskalizimit.

Sikurse ka qene parashikuar nga kontabilistet dhe ekspertet e fushes, jane faktuar tashme problematikat qe vijne me kete proces.

Problemet lidhen me legjislacionin i cili ka nevoje per permiresim, zgjidhjet software-ike aktuale te certifikuara dhe si edhe punen praktike.

Fluksi i aplikimeve prane AKSHI-t per certifikata elektronike, mbingarkesa e shoqerive qe ofrojne zgjidhjet software-ike ishte arsyeja e dukshme qe u shtyne pernalitetet per moszbatimin efektiv te fiskalizimit.

Ne te vertete, prapa ketyre fakteve qendron pregatitja dhe puna njerezore.  

A do te munden bizneset deri ne 31 Dhjetor 2021 te pershtaten dhe tu bejne balle detyrimeve ligjore qe rrjedhin nga fiskalizimi?

Kryerja e plote e procesit te fiskalizimit per nje biznes te mesem ose te madh kerkon prezencen e nje kontabilisti te mireinformuar. Sa biznese ne Shqiperi e kane te punesuar brenda nderrmarrjes nje kontabilist?

Kryerja e plote e procesit te fiskalizimit per nje biznes te mesem ose te madh mund te realizohet edhe nepermjet nje ekonomisti me eksperience i cili ka ne dispozicion dhe shfrytezon ne menyren e duhur burimet e informacionit ose merr asistence nga nje ekspert i fushes. Tregu per nje economist te tille eshte 700-800 Euro/muaj. Sa biznese ne Shqiperi e kane te punesuar brenda nderrmarrjes nje ekonomist te tille?

Duke qene se kontabilistet dhe ekspertet e kane pasur nje aktivitet dhe klientele te caktuar perpara hyrjes ne fuqi te fiskalizimit, sa kapacitet kane ata qe t’i dedikojne kohen e nevojeshme implementimit te fiskalizimit? Sa te afte jane te pershtaten? Ku do t’i gjejne punonjesit dhe mbi te gjitha kur do t’i trajnojne?

Kush do ta paguaje punen shtese? Sa do te jete kosto e punes per zbatimin e detyrimeve ligjore sipas legjislacionit per fiskalizimin?

Me poshte po rendisim ne menyre te permbledhur punen shtese, periodike ne pjesen me te madhe, qe duhet bere ne zbatim te ligjit nr. 87/2019 “Per faturen dhe sistemin e monitorimit te Qarkullimit”

  1. Konfigurimet e vendeve te ushtrimit te aktivitetit ne Platformen Qendrore te Faturave.
  2. Azhornim i konfigurimeve te vendeve te ushtrimit te aktivitetit ne rast ndryshimesh.
  3. Deklarimi dhe largimi i operatoreve ne Platformen Qendrore te Faturave
  4. Marrja dhe rinovimi i certifikatave elektronike
  5. Instalimi/licencimi dhe rinovimi i software-ve per fiskalizimin
  6. Trajnimi per perdorimin e software-ve per fiskalizimin.
  7. Konfigurimet ne software-t e fiskalizimit
  8. Verifikimet e perputhjes se rregjistrimeve ne software me Platformen Qendrore te Faturave.
  9. Raportimi i problematikave me zgjidhjet software ose problematikat ligjore per raste te caktuara.
  10. Deklarimi dhe largimi i operatoreve ne zgjidhjet software-ike.
  11. Raportimi i gjendjes fillestare, terheqjeve e depozitave ne arke.
  12. Pranimi ose refuzimi i faturave ne Platformen Qendrore te Faturave ose ne software.
  13. Klasifikimi i faturave te blerjes per efekt te TVSH.
  14. Printimi /arkivimi i faturave elektronike.
  15. Fiskalizimi i faturave te importit me artikuj dhe klasifikimi I tyre per efekt te TVSH.
  16. Likujdimi ne banke i faturave me NIVF