Rezidenca tatimore

Rezidenca tatimore

by with No Comment Uncategorized

Rezidenca tatimore, ne kuptim te legjislacionit tatimor, i perket cdo tatimpagues, individ apo biznes, pavaresisht formes ligjore te organizimit, I cili është subjekt i tatimeve.

Rezidenca tatimore eshte e rendesishme per te percaktuar masen dhe vendin deklarimit dhe pageses se tatimeve.

  • Nje person rezident tatimor ne Shqiperi, deklaron dhe paguan tatimin perkates ne Shqiperi per te ardhurat e realizuara ne te gjithe boten.
  • Nje person jorezident tatimor ne Shqiperi, deklaron dhe paguan tatimet perkatese ne shqiperi vetem per te ardhurat me burim nga Shqiperia.

Legjislacionet tatimore te cdo vendi, vendosin kritere sipas tё cilave njё individ apo njё entitet konsiderohet rezident tatimor i atij vendi.

Rezidenca tatimore e shoqeruar me elementin e burimit te te ardhurave shpesh krijon perplasje ndermjet zbatimit te legjislacioneve te dy vendeve duke detyruar tatimpaguesit qe te paguajne tatime per te njejtat te ardhura ne dy vende te ndryshme. Per kete arsye ekzistojne marreveshjet ndermjet vendeve me qellim shmangien e tatimit te dyfishte. Ne kete kuptim termi rezident tatimor eshte I rendesishem per zbatimin e marreveshjeve dypaleshe.

Çertifikata e Rezidencës shërben për të vërtetuar se tatimpaguesi plotёson kushtet e pёrcaktuara nё legjislacionin tatimor pёr tu konsideruar rezident tatimor I atij veni.

  • Per tatimpaguesit e rregjistruar ne Qendren Kombetare te Biznesit (QKB), certifikata e rezidencës lëshohet nëpërmjet aplikimit në e-albania.
  • Per individet, certifikata e rezidences leshoht kundrejt nje kerkese ne sportele te sherbimit te Drejtorive Rajonale Tatimore.

Sipas legjislacionit Shqiptar, nje tatimpagues (individ apo biznes) konsiderohet resident tatimor ne Shqiperi kur permbush nje prej kushteve te meposhteme:

  • ka një vendbanim të qëndrueshëm në territorin e Republikës së Shqipërisë gjatë vitit tatimor; ose
  • qëndron në Republikën e Shqipërisë gjatë vitit tatimor për një periudhë ose periudha që në total arrijnë në 183 ditë ose më shumë. Dita e daljes nga vendi dhe dita e hyrjes në vend do të trajtohen më vete si ditë të pranisë së tij në vend; ose
  • është shtetas i Republikës së Shqipërisë, i cili jashtë territorit të saj kryen detyrën si i punësuar apo funksionar zyrtar i qeverisë së Republikës së Shqipërisë; ose
  • ka një dyqan, zyrë profesionale, fabrikë ose një vend tjetër ku personi fizik ushtron aktivitetin në Republikën e Shqipërisë, ose ka vendbanim të zakonshëm në Republikën e Shqipërisë, përveç rastit kur personi fizik ka një banesë të përhershme jashtë Republikës së Shqipërisë për të gjithë vitin tatimor dhe gjithashtu nuk ka banesë të përhershme në Republikën e Shqipërisë; ose
  • ka qendrën e interesave jetike në Republikën e Shqipërisë, që nënkupton lidhje të rëndësishme personale apo ekonomike me Republikën e Shqipërisë.

postim instagram

Zyrat e kembimit valutor

by with No Comment Uncategorized

Zyrat e kembimit valutor ofrojnë shërbimin e këmbimit të monedhës vendase kundrejt monedhave të huaja.

Keto zyra e ushtrojne aktivitetin nepermjet rregullave te vendosura nga Banka e Shqiperise dhe monitorohen prej saj.

Rregullorja e B.SH. Percakton kriteret per marrjen e licences si edhe raportimet qe zyrat e kembimit valutor duhet te kryejne prane Bankes se Shqiperise.

Zyrat e kembimit valutor kriteret per licencimin:

  • Kapital themeltar minimal 2’500’000 leke.
  • Dokumenta te biznesit si extrakt qkb, dokument pronesie ose kontrate qeraje.
  • Bllokim ne banke i nje shume 2’500’000 leke me afat nga kerkesa per licence deri ne marrjen e saj.
  • Vertetim per ortaket dhe administratorin qe nuk jane ne ndjekje penale si edhe vertetim qe nuk jane ne proces penal.
  • Vertetim nga permbarimi.
  • Dipome per administratorin.
  • Dokumenta identifikimi dhe nga 2 fotografi per cdo punonjes te zyres se kembimit valutor (kambist).
  • Deklarate nga administratori mbi njohjen dhe zbatueshmerin e ligjeve ne fuqi per zyren e kembimit valutor.
  • Informacion per pajisjet teknike dhe administrative qe disponon zyra.
  • Informacion mbi mjetet dhe kushtet e sigurise.

Raportimet qe kryen nga zyra e kembimit valutor ne Banken e Shqiperise jane:

  • Cdo dite transaksionet e këmbimit valutor të kryera, për vëllimin e blerjeve dhe të shitjeve të valutave, si edhe për kursin mesatar të këmbimit për çdo monedhë, sipas aneksit te miratuar ne rregullore.
  • Cdo jave, dite të premte, vetëm pozicionet në lekë sipas aneksit te miratuar ne rregullore.
  • Subjektet qe ushtrojne veprimtari ne dy ose me shume zyra kembimi valutor mbledhin informacionin nga secila prej tyre dhe raportojne ne banke mbi baza te konsoliduara.
  • Cdo vit, brenda muajit Janar vërtetim nga Ministria e Drejtësisë se aksioneri/ortaku dhe administratori nuk është i dënuar penalisht ose formularin e vetëdeklarimit, sipas aneksit nr. 4 të kësaj rregulloreje.
  • Deklaratë personale e aksionerit/ortakut dhe administratorit për lidhje të mundshme familjare apo marrëdhënie të ngushta personale, pune apo biznesi sipas përcaktimeve ligjore, me persona për të cilët ka dënime penale të formës së prerë
  • Deklaratë personale e administratorit që subjekti vazhdon të plotësojë kushtet në bazë të të cilave ai është licencuar;

Fiskalizimi i shitjeve per zyrat e kembimit valutor.

Neni nr. 24 i udhezimit nr. 16 date 03.04.2020 “Per faturen dhe sistemin e monitorimit te qarkullimit”

Zyrat e autorizuara të këmbimit të valutave duhet të lëshojnë një faturë të thjeshtuar per cdo transaksion kembimit.

Zyrat e autorizuara të këmbimit janë të detyruara të konvertojnë sasinë e parave të blera të huaja në ekuivalentin e lekut me kursin e këmbimit me të cilin është kryer transaksioni i blerjes dhe ekuivalenti i deklaruar i lekut për qëllimin e fiskalizimit të faturës duhet të shprehet në
29 faturën e fiskalizuar, me shenjën “-” para shumës së parave.

Për transaksionet e shitjeve në valutë, zyrat e autorizuara të këmbimit kërkojnë të raportojnë shumën e parave në lekë që marrin nga klienti për qëllime të fiskalizimit. Në këtë rast nuk ka nevojë të deklaroni shenjën “+” para shumës së parave të gatshme.

Fatura pas fiskalizimit do të printohet dhe do t’i jepet klientit dhe do të tregojë shumën në lekë, me shenjën përkatëse, e cila gjithashtu dërgohet gjatë procedurës së fiskalizimit në një mesazh XML, në mënyrë elektronike, në sistemin e informacionit të administratës tatimore.

Në faturë gjithashtu duhet të tregohet veçmas shuma e komisionit nëse aplikohet dhe shuma përfundimtare në lekë duhet të deklarohet pa përqindjen që, për shembull një zyrë shkëmbimi mund të marrë nga klienti për shërbimin e këmbimit. Pra, në thelb, shuma totale në lekë duhet të jetë shuma e saktë e marrë nga klienti ose që i është dhënë klientit për shkëmbimin e valutës së huaj.


postim instagram

Kestet paraprake te tatimit mbi fitimin

by Uncategorized

Kestet paraprake te tatimit mbi fitimin ne baze te ligjit nr. 29/2023 “Per tatimin mbi te ardhurat” ashtu sikurse ka qene e parashikuar edhe me ligjin e vjeter parapaguhen ne baze te rezultateve te dy viteve te meparshme per tatimpaguesit ekzistues dhe ne baze te parashikimit per tatimpaguesit e rregjistruar rishtazi.

Ne date 1 janar 2024 fillon zbatim ligji nr. 29/2023 “Per Tatimin mbi te ardhurat”.

Sipas ketij ligji, tatimpaguesit qe ushtrojne aktivitete profesionale qofshin keto te organizuara ne formen e personit fizik apo personit juridik do te paguajne tatim mbi fitimin sipas normave 15% dhe 23 %.

Cfare do te ndodhe me kestet paraprake te tatimit mbi fitimin per vitin 2024?

Nenir nr. 63 i ligjit

Parapagimet

1. Ky nen zbatohet për:

a) të vetëpunësuarit ose personat fizikë tregtarë, për të ardhurat e tyre nga biznesi; dhe

b) entitetet.

2. Gjatë periudhës vijuese tatimore, tatimpaguesi parapaguan në llogarinë e organeve tatimore:

a) për çdonjërin nga muajt janar, shkurt dhe mars të periudhës vijuese tatimore, në shumën e tatimit

mbi fitimin për periudhën tatimore të para dy vjetëve të pjesëtuar me 12;

b) për çdonjërin nga 9 muajt e tjerë të periudhës vijuese tatimore, shumën e tatimit mbi fitimin për

periudhën paraardhëse tatimore pjesëtuar me 12.

Sipas kesaj pike kestet paraprake te tatimit mbi fitimin per personat fizik dhe juridik qe preken nga ky ligj ne vitin 2024 do te jene 0. Kjo sepse pavarsisht se gjate viteve 2021 dhe 2022 kane rezultuar me nje fitim te caktuar meqenese nuk kane paguar tatim mbi fitimin per shkak te shkalles tatimore (0%), sepse kane qene me xhiro nen 14 mln leke.

Me poshte nje shembull per te ilustruar zbatimin e kesaj pike.

Supozojme se ne vitin 2021 dhe 2022 nje tatimpagues ka patur tregues financiar te rezultatit si me poshte.

Xhiro vjetore 6 mln leke; fitimi vjetor 3.5 mln leke; tatimi i paguar ne vitin 2021 dhe 2022 0 leke.

Kesti paraprak i tatimit mbi fitimin per periudhen Janar-Mars do te ishte: Tatim fitimi i paguar ne vitin 2021 / 12 x 3. Ne kushtet kur tatimi mbi fitimin e pagua ne vitin 2021 eshte 0, rrjedhimisht edhe kestet paraprake te vitit 2024 do te jene 0. E njejta llogari vlen edhe per kestet paraprake te periudhes Prill-Dhjetor 2024.

Kjo pike pritet qe te qartesohet me miratimin e akteve ligjore ne zbatim te ligjit, si VKM dhe udhezime por ka nje probabilitet te larte qe ligjvenesit te vendosin pagimin e kesteve paraprake te tatimit mbi fitimin duke filluar nga Janari 2024.

Kjo sepse ne baze po te ketij neni tatimpaguesit mund te paguajne kestet paraprake mbi bazen e parashikimit dhe nuk ka parashikim me te mire se nje historik per tatimpaguesit ekzistues.

Kompensimet e kontributeve shtese

Kompensimet e kontributeve shtese

by with No Comment Uncategorized

Kompensimet e kontributeve shtese qe rrjedhin nga rritjae pages minimale. Kategorite dhe procedura qe duhet te ndiqet.

Duke filluar data 1 Prill 2023 paga minimale do te behet 40’000 leke. Vendimi i qeverise per rritjen e pges minimale ne linkun ne vijim: https://trial-studio.com/2023/03/04/ndryshon-paga-minimale-2/

Per te gjithe te punesuarit me page minimale kontriutet shoqerore dhe shendetesore do te rriten me 1’674 leke/muaj.

Sipas VKM nr. 114 date 01.03.2023 nje pjese e tatimpaguesve do te kompensohen nga zyrat rajonale te punesimit per shtesen e kontributeve shoqerore dhe shendetesore per nje periudhe Prill 2023-Dhjetor 2023.

Kompensimet e kontributeve shtese do te kryhet per subjektet dhe numrin e punonjesve si me poshte:

  • Tatimpagues privat , qe nuk jane te vetepunesuar, nuk kane detyrime te prapambetura per sigurimet shoqerore dhe qe ushtrojne aktivitet ne industri perpunuese, bujqesi, pyje dhe peshkim.
  • Numri maksimal i punonjesve me page minimale per te cilet mund te aplikohet per kompensim kontributesh eshte sa ai ne listepagesat perkatese te periudhave Prill 2023-Dhjetor 2023 por jo me shume se numri i te punesuarve me page minimale ne listepagesen e muajit Dhjetor 2022.

Shembull

Tatimpaguesi ne listepagesen e muajit Dhjetor 2022 ka 15 punonjes me page minimale. Ne listepagesen e muajit Prill 2023 tatimpaguesi ka 17 punonjes me page 40’000 leke. Kerkesa per kompensim do te behet per 15 punonjes x 1’674 leke.

Tatimpaguesit duhet te verifikojne saktesine e kodit te nomenklatures se veprimtarive ekonomike te zgjedhur ne qendren kombetare te biznesit (QKB).

Procedurat do te kryhen nepermjet zyrave rajonale te punesimit. Kerkesa per kompensim do te behet nepermjet ealbania cdo muaj benda dates 20 te muajit pasardhes. Afati i rimbursimit te kontributeve do te jete 15 dite.

2023-VKM-nr.114-01-03-2023-Per-kompensim-kontributeshDownload

Deklarata vjetore e të ardhurave personale

by with No Comment Uncategorized

I- Deklarata vjetore e te ardhurave personale nuk do te plotesohet nga:

  1. Personat jorezidentë të cilët marrin pagesa që i nënshtrohen tatimit përfundimtar te mbajtur në burim per:
  • dividendët, interesat dhe honoraret;
  • fitimet nga lojrat e fatit;
  • pagesat e shërbimeve;
  • primet e sigurimit;
  • tarifat për pjesëmarrjen në bordet drejtuese dhe këshillat ose trupa drejtues të tjerë;
  • pagesat për ndërtime, instalime, montime ose punë mbikëqyrëse të lidhura me to;
  • pagesat për performancën e aktorëve, muzikantëve ose sportistëve, përfshirë pagesa të tilla të bëra për personat që punësojnë artistë ose sportistë ose veprojnë si ndërmjetës në organizimin e shfaqjeve apo performancave.

2) Individëve sipas përcaktimeve në nenin 67 paragrafi 1 i ligjit “Per tatimin mbi te ardhurat”

  • Individet qe kane te ardhura vjetore nga pagat me pak se 1’200’000 leke
  • Individet qe kane te ardhura te tjera pervec pagave te cilat nuk i jane nenshtruar tatimit per nje shume me deri ne 50’000 leke ne vit.
  • Individet qe gjate vitit nuk kane qene te punesuar ne me shume se nje punedhenes.

Ndryshimet ne ligjin per tatimin mbi te ardhurat do te rrisin skemen e individeve qe do te behen pjese e ketij deklarimi. Per kete qellim Drejtoria e Pergjitheshme e Tatimeve ka krijuar edhe Rregjistrin e Individeve i cili eshte pjese e ndryshimit te ligjit nr. 9920 “Per procedurat tatimore ne R.SH” Per kete ndryshim vizitoni linkun: https://trial-studio.com/2022/10/16/paketa-fiskale-procedurat-tatimore/.

Gjithashtu, keto ndryshime do te bejne pjese te skemes se Deklarimit Vjetor te te Ardhurave Personale edhe nje pjese te konsiderueshme individesh te rregjistruar si tatimpagues persona fizik tregtar apo te vetepunesuar.

II– Te ardhurat qe bejne pjese ne deklaraten vjetore te te ardhurave personale dhe normat tatimore.

Deklarata vjetore e te ardhurave personale

*Ne grupin e te ardhurave te tjera perfshihen: Të ardhurat nga qeradhëniae individit, kur qeramarrës është një individ i paregjistruar, te ardhura jashte Shqiperise, te ardhura nga interesat e depozitave, bonove etj,. te ardhura nga tjetersimi i pasurive te paluajtshme.

Ndihuni lirshem te na kontaktoni ne te gjitha kanalet tona te komunikimit.

Vijonperqendrimi-i-tregut-bankar

Ndryshon paga minimale

by with No Comment Uncategorized

Ndryshon paga minimale per here te dyte brenda vitit 2022.

Keshilli i Ministrave ka miratuar vendimin nr. 604 date 14.09.2022 “Per percaktimin e pages minimale ne shkalle vendi”

Sipas ketij vendimi paga baze minimale nga 32’000 leke aktualisht behet 34’000 leke. Kjo page eshte e vlefshme per 174 ore pune ne muaj. Paga minimale e re do te zbatohet nga data 1 Shtator 2022.

Po kete vit, ne muajin Mars Qeveria miratoi rritjen e pages minimale nga 30’000 leke qe ishte ne vitin 2020 ne 32’000 leke. Lexo: https://trial-studio.com/2022/03/14/paga-minimale-dhe-maksimale-2022-2/

Ndryshon paga minimale e per rrjedhoje do te ndryshoje edhe paga maksimale per efekt te kontributeve shoqerore. Paga maksimale indeksohet me te njejten rritje si edhe paga minimale.

Per sa me siper pagat ndryshojne si me poshte vijon:

1-Paga minimale ishte 32’000 leke dhe behet 34’000 leke. Rritja 6.25 %.

2-Paga maksimale ishte 141’134 leke dhe behet 149’954 leke. Rritja 6.25 %.

VKM-nr.-604-date-14.09.2022-Per-Percaktimin-e-pages-minimale-ne-shkalle-vendiDownload
Vijonperqendrimi-i-tregut-bankar

Faturat e leshuara nga bleresi

by with No Comment Uncategorized

Faturat e leshuara nga bleresi ndahen ne dy lloje, vetefaturim dhe autofatura.

Vetefaturimi

Me termin vetefaturim kuptojme emetimin e nje fatureve tatimore nga ana e bleresit, ndryshe nga sa ndodh pergjithesisht qe faturen tatimore e emeton shitesi.

Ne kete fature bleresi-personi qe emeton faturen paraqitet ne fushen perkatese te fatures ne rolin e bleresit dhe shitesi-personi qe ka furnizuar mallin/sherbimin paraqitet ne fushen perkatese te fatures ne shitje, njelloj sin je fature normale. Ne nje fature tille evidentohet qarte specifikimi “vetefaturim”

  1. Fatura mund të lëshohet nga blerësi ose klienti i një malli apo shërbimi për furnizimet e mallrave ose shërbimeve të marra prej tij nga një person i tatueshëm nëse ka një marrëveshje paraprake midis dy palëve dhe me kushtin që të ekzistojë një procedurë për pranimin nga furnizuesi i mallit ose shërbimit të çdo fature të lëshuar për llogari dhe në emër të tij. Kjo pike ben fjale per transaksionet biznes biznes.
  2. Faturat leshohen nga bleresi per blerjet nga fermeret te cilet jane te rregjistruar ne tatime dhe jo ne QKB. Kjo fature eshte ose jo me TVSH varesisht momentit te trajtimit ligjor te produkteve te fermereve.
  3. Fatura leshohet nga bleresi per blerje rastesore nga individe. Kjo fature eshte gjithmone e perjashtuar, pavarsisht nga malli I blere.

Faturat e leshuara nga bleresi, vetefaturimet rregjistrohen vetem ne liber blerje te subjektit qe I ka emetuar.

Autofatura

Me termin autofaturim kuptojme emetimin e nje fature tatimore nga ana e subjektit ne te cilen ai paraqitet ne rolin e shitesit dhe te bleresit. Kjo fature mund te jete me tvsh ose pa tvsh varesisht motivit per te cilen kryhet. Me poshte disa shembuj te autofaturave.

  1. Perdorimi per nevojat e veta e mallit qe subjekti tregton. P.SH. Nje shoqeri karburanti konsumon karburant per nevojat e administrates, transportit etj. Nje shoqeri sherbimesh ne fushen e IT punon pervecse me klientet, edhe per nevojat e veta qe lidhen me marketingun administrimin etj. Ne kete rast nje fature e tille deklarohet edhe ne librin e blerjes edhe te shitjes. Ne liber shitje fatura do te jete me TVSH ndersa ne liber blerje zbatohen kriteret e njohjes se TVSH. Nese karburanti eshte perdorur per autoveturat e stafit te administrates, ne blerje kjo fature deklarohet si blerje e perjashtuar.
  2. Autofatura emetohet edhe per blerjen e sherbimeve nga furniture te huaj. Ne kete rast kjo fature quhet Auto-Ngarkese e TVSH, reverse charge.
vijon-mos-funksionimi-i-e-albania

Vijon mos funksionimi i E-Albania

by with No Comment Uncategorized

Vijon mos funksionimi i E-Albania. Sot behet nje jave nga sulmi kibernetik ndaj AKSHI-t. E-albania u bllokua teresisht. Edhe pse u rikthye ne pune pas dites se 5-te shumica e sherbimeve nuk funksionojne.

Nuk dihet ende arsyeja e mosfunksionimit. Ajo mund te lidhet me mbingarkesen ose me sulmin kibernetik. Nuk ka nje deklarate te institucioneve pergjegjese per mosfunksionimin e saj. Teorikisht ajo eshte ne pune dhe ne funksionalitet te plote per perdoruesit brenda vendit.

Cilat jane disa nga demet qe u krijohen bizneseve nga mosfunksionimi korrekt apo I plote I E-Albania?

“Porta hyrese” (E-Albania) u mundeson bizneseve aksesin ne sherbimet publike. Gjithashtu nepermjet saj bizneset permbushin nje sere detyrimesh ligjore.( Vijon mos funksionimi i E-Albania)

  • Per te hapur nje llogari bankare, nevojitet nje ekstrakt historik I fresket nga QKB I cili shkarkohet nepermjet e Albania. Pra, biznesi nuk mundet ta hape ate.
  • Per te lidhur cfaredo lloj kontrate prane noterit, serish nevojitet nje ekstrakt historik I fresket nga QKB. Pra biznesi nuk mund ta lidhe ate.
  • Per te kryer nje sere aplikimesh online ne institucione te ndryshme nevojitet nje nenshkrim elektronik. Nese sistemi nuk funksionon, ky nenshkrim qofte fillestar ose rinovim, nuk mund te kryhen aplikimet.
  • Per te funksionuar programet e faturimit nevojitet patjeter nje certificate elektronike. Nese sistemi nuk funksionon, kjo certifikate qofte fillestare ose rinovim, nuk mund te kryhet.
  • Biznesi u pershtat dhe ndryshoi menyren e punes me dixhitalizimin e sherbimeve si edhe hyrjen ne fuqi ne vitin 2021 e ligjit nr. 87/2019 “Per faturen dhe sistemin e monitorimit te qarkullimit”. Ne qofte se sistemit te Teknolgjise se Informacionit mund ti aplikohet backup, biznesi e ka me kosto jashtezakonisht te madhe kryerjen backup-it te strukturimit dhe i nevojitet teper kohe. Pra e k ate pamundur.
  • Platforma Qendrore e Faturave eshte nje hapsire e perbashket e bizneseve per dokumentimin e transaksioneve. Aty pranohen verifikohen gjenerohen ose refuzohen faturat.
  • Jane nje mori aplikimesh qe kryhen nepermjet portes hyrse ne institucione te ndryshme si, leje, licenca, autorizime. Mungesa e ketyre aplikimeve cenon vijimin e aktivitetit te biznesit.
  • Jane nje mori aplikimesh qe biznesi kryen ne funksion te permbushjes se detyrimeve ligjore. Mungesa e ketyre aplikimeve ekspozon biznesin 100 % perballe penaliteteve ligjore.

Por cfare duhet te bente minimalisht dhe maksimalisht nje qeveri e pergjegjshme ne situata te tilla?

  • Minimalisht duhet te n te nxirrte nje akt normativ ku te pezullonte cdo lloj penaliteti dhe mase qe lidhet me mos permbushje detyrimesh ligjore per shkak te ketij bllokimi. (Mund ta kete bere kete gje me urdhera neper whatsApp por nuk mjafton).

Perse duhet nje akt ligjor I tille? Biznesi privat nuk mund dhe nuk duhet te pranoje as ne parim qe te jete ne meshire te mirekuptimit te inspektoriateve dhe institucioneve kontrolluese. Per sa kohe nuk eshte shkaktar i mospermbushjes se detyrimeve eshte legjitime qe atij ti ofrohet garancia e mesiperme.

  • Maksimalisht mund te shpallte gjendje emergjence, te mobilizonte administraten per pune edhe me 3 turne duke kthyer te gjitha sportelet fizike.

Kjo pike do te garantonte mos cenimin e vijueshmerise se punes se biznesit. Nese veprimi minimal (akti ligjor per pezullimin e masave) nuk ka asnje kosto per qeverine, veprimi maksimal eshte me kosto dhe e veshtire per tu realizuar. Kerkon backup jo vetem sistemesh elektronike por edhe strukturash burimeve dhe burimesh njerezore.

Raportet-e-paaftesise-per-pune

Amnistia fiskale

by with No Comment Uncategorized

Amnistia fiskale pritet qe te miratohet nga qeveria parashikon te pastroje deri ne 2 mln euro per individ/njesi biznesi.

Subjektet e ketij projektligji, shtetasit Shqiptar pavarisht rezisdences se tyre si edhe bizneset do te deklarojne vullnetarisht shumat ne para dhe pasuri te luajtshme dhe te paluajtshme kundrejt pageses se nje tatimi qe varion nga 7%-10 %.

Kusht per pastrimin e parave do te jete perfundimi i procedures se deklarimit, pajisja me vertetimin perkates nga DPT dhe ruajtja e parave ne nje llogari bankare me kushtin e mos transferimit jashte vendit per 5 vite.

Cilat jane disa nga skepticizmat qe shoqerojne kete projektligj (amnistia fiskale)?

  • A ka individe Shqiptar qe kane grumbulluar pasuri apo para deri ne 2 mln euro me pune informale?
  • A ka emigrante Shqiptar qe kane kursyer deri ne 2 mln euro me pune informale? Nese po, nje pyetje qe lind eshte si do t’i sjellin keto para ne Shqiperi? Me banke nuk eshte e mundur per sa kohe jane nga burime informale. Sipas ketij projektligji, vertetimi nga Drejtoria e Pergjitheshme e Tatimeve per berjen te ligjshme te parave do te jepet pas perfundimit te procedures. Pra, as cash me canta nuk mund t’i sjellin sepse pervecse ua sekuestrojne ne dogane, rrezikojne edhe burgimin.
  • A ka biznese Shqiptare qe kane grumbulluar kaq shume para nepermjet evazionit fiskal? Mund te kete sepse dihet qe evazioni ne Shqiperi vijon te jete problem e ka qene edhe me i larte vite me pare. Keto biznese kane fshehur te ardhurat per te mos paguar 20-25 % tatim..a do te motivohen duke paguar 7%-10% tatim?
  • Per sa kohe politika nuk behet nje ne aprovimin publik te kesaj amnistie fiskale, a do te mund te rrezikojne individet dhe bizneset parate e tyre nga burime informale qe ne rast nderrimi te qeverive tu sekuestrohen?
  • Cilat jane mekanizmat e pengimit te pastrimit te parave qe vijne nga krimi dhe korrupsioni i nivelit te larte, ky i fundit i perjashtuar nga perfitimi i amnistise? Kaq e veshtire eshte ne Shqiperi qe ky grup te gjeje, kundrejt shperblimit, nje individ ne Shqiperi ose jashte vendit, ne emer te te cilit te pastroje parate e tije?
  • Si do te ndikoje kjo amnisti tek individet dhe bizneset e ndershme? Kujtojme per kete kategori nuk ka anje lloj perfitimi apo amnistie.

Per te na ndjekur ne rrjete sociale klikoni linqet e meposhteme:

https://www.facebook.com/SKF2018/?ref=pages_you_manage

https://www.instagram.com/trialstudio1/

https://www.linkedin.com/company/68493567/admin/

Raportet-e-paaftesise-per-pune

Tatimi mbi te ardhurat, ligji nr. 29/2023

by with No Comment Uncategorized

Tatimi mbi te ardhurat, ligji nr. 29/2023 ndryshon fillimisht konceptin e ketij tatimi. Pas 25 vitesh nga hyrja ne fuqi e ligjit nr. 8438 date 28.12.1998 “Per tatimin mbi te ardhurat” eshte hartuar nje ligj teresisht i ri i cili zevendeson ligjin e vjeter.

Ndryshimet jane te shumta, duke nisur nga perkufizimet dhe deri tek baza tatimore.

Ky ligj zgjeron bazen tatimore te individeve tatimpagues dhe te bizneseve.

Rrit normat e tatimit per nje kategori biznesesh.

Sjell risi ne deklarimin individual vjetor te te ardhurave.

Balancon tatimin mbi te ardhurat nga biznesi pavaresisht formes ligjore dhe synon te ule shmangiet tatimore qe kryhen nepermjet ligjit.

Ndryshon konceptin e tatimit mbi te ardhurat nga biznesit.

Risi e rendesishme

Futet per here te pare skema e percaktimit te shpenzimeve afrofe/apriori.

Sipas kesaj skeme bizneset e formes ligjore person fizik me qarkullim vjetor deri ne 10’000’000 leke mund te aplikojne (jo detyrimisht) regjimin e vecante ne te cilin shpenzimet (per rrjedhoje edhe fitimi dhe tatimi) perllogariten me nje norme te caktuar varesisht aktivitetit pa pasur nevoje per dokumentimin e tyre.

Kjo skeme nga njera ane lehteson bizneset e ketij grupi nga kostot dhe procedurat e mbajtjes se transaksioneve ne kontabilitet por nga ana tjeter hedh poshte ate pune qe eshte bere nga administrata per edukimin e tatimpaguesve. Gjithashtu duke mos qene te prirur te kerkojne dhe rregjistrojne fatura keta tatimpagues mund te ndikojne negativisht ne nxitjen e informalitetit. Konkretisht mund te konsiderojne shpenzime te aktivitetit te tyre pa pasur dokumenta:

  • 60% të të ardhurave për veprimtaritë prodhuese;
  • 90% të të ardhurave për veprimtaritë e tregtimit me shumicë;
  • 70% të të ardhurave për veprimtaritë e tregtimit me pakicë të mallrave dhe transportit individual;
  • 60% të të ardhurave për veprimtaritë bare, restorante, disko etj., të kësaj natyre;
  • 50% të të ardhurave për veprimtaritë e shërbimeve, veprimtaritë artizanale dhe atyre zejtare;
  • 30% të të ardhurave për individët e vetëpunësuar;

Risi tjeter e rendeshishme e ketij ligji eshte koncepti i tatimit mbi te ardhurat e biznesit.

Ne ligjin e vjeter kemi nje ndarje te tatimit mbi te ardhurat e biznesit bazuar ne qarkullimin vjetor te biznesit.

  • Tatim i thjeshtuar mbi biznesin (ndryshe biznese te vogla). Te gjitha ato biznese, pavarsisht formes ligjore, qarkullimi vjetor i te cilave nuk tejkalon 8’000’000 leke.
  • Tatim mbi fitimin e biznesit (ndryshe biznese te medha). Te gjitha ato biznese, pavarsisht formes ligjore, qarkullimi vjetor i te cilave tejkalon 8’000’000 leke.

Ne ligjin e ri ndarja e tatimit mbi te ardhurat nga biznesi bazohet ne formen ligjore te biznesit.

  • Tatimi mbi te ardhurat e korporates-tatimi qe aplikohet per entitetet
  • Tatimi mbi te ardhurat nga biznesi i personave fizik-aplikohet per fitimin neto te personave fizik (te vetepunesuar ose individe tregtar)

Entitet* (i) çdo shoqëri apo çdo strukturë të organizimeve të korporuara apo jo-korporuara (pavarësisht formës) të natyrës fitimprurëse ose jo-fitimprurëse, (ii) kompani të tilla si organizatat, (iii) ndonjë formë “trusti” të huaj, apo strukture të ngjashme, (iv) ndonjë formë partnershipi apo ndonjë entitet të natyrës personale, (v) çdo formë të joint-venture, (vi) çdo formë kompanie menaxhimi kapitalesh apo asetesh, (vii) çdo formë e kompanive sipas kodit civil apo ligjit të shoqërive tregtare, (viii) partnership-et pasive apo në ‘fjetje”.

Norma e tatimit

Norma e tatimit ndryshon per bizneset e formes ligjore person fizik dhe do te jene:

15% per biznese fitimi me qarkullim vjetor deri ne 14’000’000 leke ne vit.

23 % per biznese me qarkullim vjetor 14’000’000 leke te reja ne vit

Perpara hyrjes ne fuqi te ketij ligji bizneset e formes ligjore person fizik me qarkullim mbi 14’000’000 leke ne vit kane pasur nje avantazh kundrejt bizneseve te formes ligjore person juridik mos pagimin e dividentit 8%. Me kete ndryshim, ky avantazh eleminohet sepse personat fizik me qarkullim mbi 14’000’000 leke do te paguajne 23 % ndersa entitetet do te vijojne ta kene te ndare ne tatim fitimi dhe divident (15%+8%).

Ligji perjashton nga normat e mesiperme te gjithe personat fizik dhe entitetet te cilet nuk ushtrojne veprimtari profesionale sherbimi. Per kete kategori biznesi, normat do te hyjne ne fuqi ne vitin 2030. Bizneset qe mbeten dhe qe do te aplikojne normat e reja te taksimit jane personat fizik dhe entitetet qe ushtrojne veprimtari sherbimi profesionale qarkullimi vjetor i te cilave nuk tejkalon 14’000’000 leke ne vit.

Qendron ende ne fuqi nje perfitim, shmangie tatimore, qe vjen nga forma ligjore e organizimit te bizneseve qe ofrojne sherbime profesionale dhe qe kane qarkullim vjetor deri en 14’000’000 leke. Entitetet qe do te taksohen me 15 % gjithashtu do te kene edhe detyrimin e pageses se fitimit te terhequr, tatimin mbi dividentin 8%, ndersa bizneset persona fizik tatohen me vetem 15 %.

Per te na ndjekur ne rrjete sociale klikoni linqet e meposhteme:

https://www.facebook.com/SKF2018/?ref=pages_you_manage

https://www.instagram.com/trialstudio1/

https://www.linkedin.com/company/68493567/admin/

Ose mund te na kontaktoni duke klikuar ne

Kontakte